OI TUHAN KU, OI KINOROHINGAN KU / Oh Lord My God (How Great Thow Art)

Oi Tuhan ku, Oi Kinorohingan ku
Opusahan oku nod kuasa Nu
Tu pinointalang do nowonsoi NU
Hilod tawan om hiti id tana

Gulion;
Om royohon ku Ika oi Tuhan
Om ngawid kagaya’an Nu
Om royohon ku Ika oi Tuhan
Om ngawid kagaya’an Nu

Do mintong oku do lawis do nuluw
Om gono tid tolungan do hawun
Om korongou pod tinggorud om sarup
Om okohus i liyud do bawang

Soro-sorohon ku do nipuhawang
Do Kinorohingan i Tanak dau
Tu minabod dusa ku hirid salib
Om minatai do mamasi dogo

Om korikot Iyau’d lumohou dogo
Do kumaa hilod walai’d Tama Dau
Om O’oropod no o ginawo ku
Do mamarayou kagaya’an Dau

Podsinding no id Tuhan do sinding do wagu; do nokopomonsoi no Iyau'd kopusahan dot angagayo_MAsmur 98:1_

Similar Song:http://www.youtube.com/watch?v=2Q8ESzK5pCw

OTOPOT –I TOI KOPIYO

Otopot-i toi kopiyo
Do hsro po kosianan Nu dohon
Innobintogod Ko manaku dohon
Mulong pod tadalaan o dusa ku?

Do rinubat ku no kosianan Nu
Innosorupai po daad toompunan
Do pinokoruol ngawi do Tuhan
I nongowonsoi ku do ara’at

Nga Yesus to poimponud kosianan o piñata sobap dusa’d tulun
Om suminiliud Gompomialatan
Do tulun dot ara’at om Tama Dau
Do kongoompunan ngawid tulun Dau

Poingkakat Iyau hiri id gotuang
Do tiirikohonon do Kinorohingan
Om intumingkod mokianud Tama
Do kongoompunan ngawid tulun Dau

Opurimanan kku baino, oi Tuhan
I kosianan Nud Tadala’an
Om kuinsikahan no o ginawo ku
Do noompunan oku kopiyo Dika

Tinanus Ku no ngawi i Ttutang nu, do minokiinsian ko-i Dogo _Matius 18:32_

Similar song: Not found..sorry..:-(

AGAYO NO NIPUHAWANG / Amazing Grace

Agayo no nipuhawang Nu
I nokoposiyon ku
Do natagak no daa rusod ku di gulu
Id ralan do napalid

Pamatos no Tuhan tosonong
Ogirot no boros Dau’d
Sumilliu Kinorohingan do kolid ku
Do tadau om totuong

Om minomuhawang Iyau doho’d
Tanak dau’d koposiyon
Opusahan oku nod nipuhawang Dau
Royohon ku no Tuhan

Om potopoto tomod nopo, do i nipuhawang do Kinorohingan o nipotopot_Rum 3:24_

Similar Song: http://www.youtube.com/watch?v=B3XdXEJEI4E&feature=fvst

Royohon Raja Tokou

Royohon Raja tokou
Tu oinsanan o kuasa
Sorohon kosianan Dau
Mikuo dot ounsikahan om ooropod

Gulion;
Olidang kopio
Tuhan tokou
Tawan om pomogunan
Nga mamarayou kasarid kuasa Dau

Tuhan minomorun
Ngawid ti pomogunan
Om ngawid suwang do tawan
Nga Tuhan o momorinta dot oinsanan

Tuhan no o posunid
Toinsanan do sumuni
Tuhan o mamasi ngawi
Do kipinuhobo hitid pomogunan

Susuyon no kuasa Dau
Om kopuhawangan Dau
Id tulun hinonggo nopo
Om otumbayaan-i yolod Tuhan tokou


Oi Tuhan, koinsanaid koraja Nud momoros dot ounsikou id Dika, om i tulun Nu dot ongolidang nga mamarayou dika. _Masmur 145:10_

Similar song:http://www.youtube.com/watch?v=jAY_idY6dog

Hino mantad-i Kinorohingan / Immortal, Invisible,God Only Wise

Hino mantad-i Kinorohingan tokou
I poingiyon id tanawaud tadala’an
Om kuasa’an ngawi Diau o nunu nopo,
Om gowoi po om royohon tokou Iyau

Dot Iyau no momogompid ko’insanaid
Tadau om wulan om ilo rombituon
Om pomogunan om rahat om ko’insanai
Om gowoi po om royohon tokou Iyau

Tuhan no koposyion dot otopot
Om mimpasid di Iyau do nunu nopo
Nga ongobiruyou-id miagal do wusak
Nga Tuhan nopo om ingga kosimbanon

Om innokoumbal o Tuhan do tiodop
Om okito-i ngawi diayau o tulun
Om otorodok-i o Tuhan do momutus
Om gowoi po om royohon tokou Iyau

Tama Iyau kagayaa’an om tanawau
Om koinsanaid moloikat do rumayou
Om mulong pod tulun tomod tokou itokou
Nga milo tokou-id mamarayou Diyau

Similar songs; http://www.youtube.com/watch?v=-I_VwA4d44g
http://www.youtube.com/watch?v=Bo_aKMM1C-M&feature=related

Olidang kopiyo Kinorohingan / Holy Holy Holy

Olidang kopiyo Kinorohingan Tama
Podsinding tokou nod tadaau om totuwong
Rumayou Diyau tu olidang kopiyo
Om agayo kosianan om songonuon

Olidang kopiyo Kinorohingan Tama,
Tu hino kasarid tawiso kopupuson.
Tulun dot olidang mikuod moloikat
Nga tumuku-i id Kinorohingan

Olidang Kopiyo, haro-i dinondo
Tuhan tokou hiti; au tokou po okito
Iso noh Tuhan tokou, ingga po o suwai
Do gayo kosianan om songonuon

Olidang kopiyo Kinorohingan Tama
Gisom dot oinsanan mamarayou Diyau
Olidang kopiyo ; gayo Kinorohingan
Tu gayo kosianan om songonuon.

**Olidang,Olidang, Olidang o Tuhan tu Kinorohingan, it agayo kuasa, om i Hino mantad,om i hino baino om i hinod somonu-wahyu 4:8**

Similar song; http://www.youtube.com/watch?v=rBGTPh2Xn_o